Kwaze kwalula ukuba yisiyelele kwelikamgodoyi.
Lapho okuyakhala khona icilongo kuyabe sokusele amathambo wodwa.
Sihlalahlale sihlekisane ngofundela ukuba ngomongikazi phetsheya.
Kodwa lapho ocambalala khona ubeka iphika lokuphelelwa ngumphako.
Sokwaba yinhlalayenza ukuvuka uphande isinkwa salolosuku iziphala sezibetha umoya.
Khohlwa ngezempilakahle, ngezabomasingcwabisane langezinye imali eziseceleni.
Kulula kakhulu ukuba yisiyelele kwelikamgodoyi.
Siyabe siqamba amanga nxa sisola abazali,
basebenza basi fundisa ukukhalipha lokusebenza ngokuzikhandla,
basebenza imali yabo yomhlalaphansi yaze yancibilika emabhanga,
basebenza basivula amehlo ngokuzenzela, ngokuzabalaza, la ngokuzibusa.
Khepha yithi laba iziyelele kwelikamgodoyi,
iziyelele ezitshontshelwa igolide zihleke kusocial media.
Iziyelele ezitshontshelwa amavoti siyexoxa ngakho emabhawa kuphele,
isisekelo sombuso siyinhlekisa basephula ntando benza umathanda.
Bavele basephula ithemba kudala,basikhulela ngokuhuquluza inotho.
Qede bethi balithatha kubahuquluzi benotho besifundisa nje ubumenemene.
Lathi sithule nje sesifisa ukuba ngabahuquluzi benotho kasekho unembeza.
Sesitshontshelana sodwa,sibulalana sodwa,bona basikhulela ngokuhuquluza inotho.
Siyiziyelele ezithi loba zisebenza gadalala asiholi,okuncane esikutholayo kuphelela etshwaleni.
Ithemba alisekho sesiphetshulwa ngumoya nje singazi lokuthi elakusasa lisiphatheleni.
Sengathi amaqabane angavuka athwale imikhonto azikhulule kulamaketane obandlululo lokuncindezelwa.
Qhawekazi's Diary 